झापा
झापामा एकजना पुरुषको शव बोराभित्र रहेको अवस्थामा फेला परेको छ । अर्जुनधारा–४ बोराको मुख सिलाएको अवस्थामा शव भेटिएपछि हत्या आशंका गरिएको इलाका प्रहरी कार्यालय अनारमनीका प्रमुख डीएसपी रुगम कुँवरले जानकारी दिए ।
उनको पहिचान हुन सकेको छैन । मृत भेटिएका व्यक्तिको टाउकोमा चोट देखिएको प्रहरीले जनाएको छ । उक्त शव कल्भर्टभित्र भेटिएको थियो । स्थानीयले खबर गरेपछि आइतबार साँझ प्रहरीले हेर्दा शव फेला परेको हो ।
उनको दुवै कुममा ‘आरएन’ लेखिएको ट्याटु देखिएको डीएसपी कुँवरले जानकारी दिए । शवलाई पोष्टमार्टमका लागि बीपी कोइराला स्वास्थ्य विज्ञान प्रतिष्ठान धरान पठाइएको प्रहरीले जनाएको छ ।
