बुटवल
लुम्बिनी प्रदेशका मुख्यमन्त्री कुल प्रसाद के.सीले लुम्बिनी प्रदेश सरकारकी स्वास्थ्य राज्यमन्त्री विमला खत्री वलीले पदबाट दिएको राजीनामा स्वकृति गरिएको बताएका छन् ।
लुम्बिनी प्रदेश सभाको बैठकमा बोल्दै केसीले राज्यमन्त्रीवाट १२ गते आएको राजीनामालाई स्वकृति गरिएको बताए । उनले १२ गते राजीनामा दिए पनि गुपचुप रूपमा राखिएको थियो आज बिहान एकाएक राजीनामा आएको सूचना बाहिर आएको थियो ।
जेठ अन्तिममा दाङका वाईसीएल नेता एकराज बस्नेतको घरमा गएर उनकी श्रीमती र छोरीलाई अभद्र व्यवहार गरेको आरोपपछि त्यसबारे छानबिन गर्न सरकारले समिति समेत गठन गरेको थियो । छानबिन समितिले अझै प्रतिवेदन बुझाएको छैन । उक्त प्रतिवदने अगाडि नै उनको राजीनामा आएको छ ।
पति उत्तरकुमार वलीको सडक दुर्घटनामा मृत्यु भएपछि दाङ क्षेत्र नम्बर ३ ख मा भएको उपनिर्वाचनमा उनी तत्कालीन नेकपाबाट विजयी भएकी थिइन् । फागुन २३ को सर्वोच्चको फैसलाले नेकपा खारेज गरेपछि वैशाख १९ गते पत्रकार सम्मेलन गरी विमलाले माओवादी केन्द्र रोजेकी थिइन् । त्यसपछि माओवादीले उनलाई राज्यमन्त्री बनाएको थियो ।
