काठमाडौं 

अमेरिकी तल्लो सदन हाउस अफ रिप्रिजेन्टेटिभले समलिंगी विवाहलाई संघीय सुरक्षा प्रदान गर्ने विधेयक पारित गरेको छ ।

सर्वोच्च अदालतले त्यस्ता मान्यता दिने विधेयकलाई फिर्ता गर्ने त्रासकाबीच तल्लो सदनले विधेक पारित गरेको हो । दि रेस्पेक्ट फर म्यारिज एक्ट डेमोक्र्टिकको प्रभुत्व रहेको सदनबाट पारित भएको हो । विधेयकको पक्षमा २ सय ६७ र विपक्षमा १ सय ५७ मत परेको थियो ।

तर, विधेयक सिनेटबाट पारित हुने विषयमा भने अनिश्चित भएकाे छ । विधेयक पारित गर्न ४७ रिपब्लिकन सांसदहरू डेमोक्र्याटहरूसँगै सामेल भएका थिए । विधेयकको पक्षमा उनीहरू सहभागी हुँदा सदनमा तालिको गडगडावट सुनिएको थियो।

१ सय सदस्य रहेको सिनेटमा ५० सिटमा डेमोक्रर्याट रहेका छन् । नयाँ विधेयकले अमेरिकी राज्यहरूलाई अर्को राज्यमा गरिएको वैध विवाहलाई मान्यता दिन बाध्य पार्छ । यसले समलिङ्गी युनियनहरूलाई मात्र होइन अन्तरजातीय विवालाई समेत सुरक्षा प्रदान गर्नेछ ।