देवघाट तनहुँ : साउन २६

देवघाट नेकपा एमाले देवघाट गाउँ कमिटीको छैटौँ बैठक सम्पन्न भएको छ ।

आज नेकपा एमाले देवघाट गाउँ कमिटीको आयोजनामा भएको सो बैठक देवघाट ५ क्युदीमा रहेको मधुवन सामुदायिक वनमा भएको थियोे । सो बैठकमा दुईवटा निर्णय गरिएको नेकपा एमाले देवघाट गाउँ कमिटीका अध्यक्ष केशव चन्द्र न्यौपानेले जानकारी दिनुभयो ।

न्यौपानेले भाद्र २ गते गाउँपालिका स्तरीय प्रशिक्षण कार्यक्रम गर्ने जुन प्रशिक्षण कार्यक्रममा गाउँकमिटीका सदस्यहरू, वडा कमिटीका पदाधिकारीहरू, वर्गीय संगठनका पदाधिकारीहरू र पालिका स्तरीय जनप्रतिनिधिहरूको सहभागीता रहने गरी प्रशिक्षण कार्यक्रम हुने बताए । त्यस्तै भाद्र ५,६ र ७ गते पाँचैवटा वडा कमिटीको बैठक सञ्चालन गर्ने निर्णय गरिएको अध्यक्ष न्यौपानेले जानकारी दिनुभयो ।

कार्यक्रममा नेकपा एमाले जिल्ला कमिटीका सचिवालय सदस्य एवं देवघाट गाउँ कमिटीको इन्चार्ज इन्द्रमान परियारले बैठकमा स्थानीय चुनावको समिक्षा,भावि संगठन निर्माण, विस्तार र आगमि संघ र प्रदेश चुनाव केन्द्रीत विषयमा छलफल गरिएको जानकारी दिनुभयो ।

कार्यक्रममा नेकपा एमाले जिल्ला कमिटी उपाध्यक्ष हरिराज कडेल, सचिब राजेस्वर ढकाल, जिल्ला कमिटीका उपसचिब प्रदिप अधिकारी, जिल्ला कमिटी सदस्य शिबराज पौडेल, जिल्ला कमिटी सचिवालय सदस्य एवं देवघाट गाउँपालिका कमिटी सह- इन्चार्ज बाबुराम अधिकारी, जिल्ला कमिटी सदस्य ठाकुर कुमारी काफ्ले, जिल्ला कमिटी सल्लाकार परिसदका सदस्य यल बहादुर गुरुङ्ग र बुद्धिजीवी परिसद्का अध्यक्ष डा. सुरेन्द्र प्रसाद श्रेष्ठ लगाएतको उपस्थिति रहेको थियोे ।