९ असोज, चितवन ।
चितवनको भरतपुर महानगरपालिका-१२ नौरङ्गेमा जंगली बदेलको आक्रमणबाट गम्भीर घाइते भएका एक पुरुष उपचारको क्रममा मृत्यु भएको छ ।
जिल्ला प्रहरी कार्यालय चितवनका अनुसार असोज ७ गते विहान ६ बजे मर्निङवाक जाने क्रममा एक्कासी जंगलबाट निस्किएको बदेलले आक्रमण गर्दा घाइते भएका ४० बर्षीय दीपक बिकको उपचारको क्रममा भरतपुर अस्पतालमा आइतबार दिउँसो मृत्यु भएको हो ।
पेटमा गहिरो चोट लागेका बिकको शरीरका अन्य भागमा समेत चोट लागेको थियो ।
