सप्तरी
जनता समाजवादी पार्टीका अध्यक्ष उपेन्द्र यादवले प्रतिनिधि सभा सदस्यका लागि सप्तरी निर्वाचन क्षेत्र नम्बर–२ बाट उम्मेदवारी दर्ता गराउनुभएको छ । आज आइतवार निर्वाचन अधिकृतकाे कार्यालय पुगेर उहाँले उम्मेदवारी दर्ता गराउनुभएकाे हाे ।
एमालेसँगको गठबन्धनबाट जसपाका अध्यक्ष यादवले सप्तरीबाट उम्मेदवारी दर्ता गराउनुभएको हो । यादव २०७४ सालमा सप्तरी २ बाट र संविधान सभाका २०६४ र २०७० को चुनावमा सुनसरी ५ बाट निर्वाचित हुनुभएको थियो ।
जसपाले केही दिनअघि मात्रै सत्तारूढ गठबन्धन छोडेर एमालेसँग तालमेल गरेको हो ।
