नाबालिगलाई जबरजस्ती करणी गरेको अभियोगमा तनहुँ कारागारको थुनामा रहेका नायक पल शाह विरुद्ध असोज २६ गते सुनुवाई हुने भएको छ असोज २ गतेका लागि तोकिएको सुनुवाई स्थगित भएपछि २६ गतेलाई पेशी तोकिएको हो ।
शाहका वकिल वरिष्ठ अधिवक्ता कमलामोहन वाग्लेले २६ गतेका लागि पेशी तोकिएको खबरपुञ्जलाई जानकारी दिए । नायक शाह विरुद्ध नवलपुर अदालतले भने साढे दुई वर्ष कैद फैसला सुनाइसकेको छ । साथै रु २५ हजार जरीवाना र रु दश लाख क्षतिपूर्तिको फैसला भएको नवलपुर अदालतले जनाएको छ । नावालिकमाथि जबरजस्ती करणी गरेको भन्दै शाहविरुद्ध गत फागुन ११ गते तनहुँ प्रहरीमा उजुरी परेको थियो । शाहले फागुन १५ गते प्रहरी कार्यालयमा आत्मसमर्पण गरेका थिए । शाहलाई चैत १० गते तनहुँ अदालतले पुर्पक्षका लागि थुनामा पठाउने आदेश दिएको थियो । अभिनेता शाहले आफू निर्दोष रहेको भन्दै रिहा गर्न माग गर्दै उच्च अदालत पोखरामा निवेदन दिएपनि अदालतले उक्त निवेदन अस्वीकृत गरिदिएको थियो ।
