३ कात्तिक, काठमाडौं । काठमाडौं–१ का स्वतन्त्र उम्मेदवार देव शर्माले निर्वाचन आयोगले आफूलाई डोजर भनेर बुल्डोजर चुनाव चिह्न दिएको भन्दै सर्वोच्च अदालतमा रिट दिएका छन्
। २६ असोजमा आयोगले डोजर चुनाव चिह्न दिएको तर अनुसूचीमा हेर्दा डोजर नभई रोलर देखिएको उनले बताएका छन् । उक्त चुनाव चिह्न सच्याउन निर्वाचन आयोगमा निवेदन दिँदा फेरि बुल्डोजर चिह्न दिएको भन्दै उनले रिट दिएका हुन् ।
निर्वाचन आयोगको कदमबाट मतदातामा भ्रम पर्ने र निर्वाचनमा स्वच्छता कायम हुन नसक्ने रिटमा उल्लेख गरिएको छ । उक्त रिटमा शुक्रबारका लागि पेशी तोकिएको छ ।
