चितवन, कात्तिक १३-
चितवन क्षेत्र नम्बर २ का दुई स्वतन्त्र उम्मेदवारले संयुक्तरुपमा विकासको योजना सार्वजनिक गरेका छन् ।
पर्यावरण, भूमि, बैंकिङ, रक्षा, गृह, विद्युत्, फोहर व्यवस्थापन, पर्यटन, स्वास्थ्य शिक्षा, यातायात नीतिलगायतका २० बुँदे योजनाहरु उहाँहरुले सार्वजनिक गर्नुभएको हो । पहाडी क्षेत्रको गाउँ बस्तीमा बाँदर आतंक नियन्त्रण गर्ने गरी कार्यक्रम ल्याइने उहाँहरुको दाबी छ । उहाँहरुले बालबच्चाहरुलाई देश, जनताप्रतिइमान्दार र बफादार राजनीति गर्न, सिक्न, बुझ्न र क्रियाशिल हुन उत्प्रेरणा दिने नीति ल्याइने बताउनुभएको छ ।
भरतपुर–१ निवासी प्रधान पञ्चायतकालमा विद्रोही भूमिगत कार्यकर्ता, केन्द्रीय लडाकु दलको कमाण्डर, पर्यावरण संरक्षण अभियान्ता, पर्यटकीय गाउँ घलेगाउँ निर्माणका अभियन्ता समेत हुनुहुन्छ । उहाँ लेखनमा पनि रुचि राख्नुहुन्छ ।
यस्तै चितवन २ (१) बाट प्रदेशसभा सदस्य उम्मेदवार तिलक थापा मगरले स्वासथ्य शिक्षा, यातायात सर्वसुलभ, निःशुल्कहुनुपर्ने बताउनुभएको छ । उहाँले भ्रष्टाचार नियन्त्रण गर्न कडा कानुन चाहिएको बताउनुभयो । इच्छाकामना–७ भालुमाराका मगर लामो अवधि ड्राइभिङ पेसामा आवद्ध हुनुभएको थियो । प्रधानको मौरी, मगरको बोलेरो गाडी चुनाव चिन्ह रहेको छ । निर्वाचन आयोगमा चुनाव लगत्तै पार्टी दर्ता गरेर देशव्यापी संगठन विस्तार गरिने उहाँहरुले पत्रकार सम्मेलनमा दाबी गर्नुभयो ।
