स्याङ्जा, कात्तिक १४-
स्याङ्जामा अफ्रिकन ’स्वाईन फिभर’ बाट ३०० बंगुर मरेका छन् ।
कार्यालयमा ३०० वटा बंगुर मरेको प्रतिवेदन आएको कार्यालय प्रमुख डा. ईन्द्रप्रसाद भट्टले बताए । ‘ल्याब परीक्षण गर्दा अफ्रिकन स्वाईन फिभर पुष्टि भएको छ,’ उनले भने ।
एक महिनादेखि यो रोगको संक्रमण देखिन थालेको प्राबिधिक प्रमुख गोपाल गिरीले बताए । बंगुर झोक्राउने, खान खान रुची नदेखाउने, ज्वरो आउने, शरीरमा ढब्बा तथा निलो दागहरु देखिने, नाक र मुखबाट रगत÷पानी÷¥याल बग्ने लक्षण संक्रमित बंगुरमा देखिएको उनले बताए ।
सरुवा रोग भएकाले संक्रमित बंगुरलाई छुट्टै राख्ने, होटल तथा बाहिरबाट ल्याएका खानेकुरा राम्ररी पकाएर खान दिने र बंगुरको स्याहारसुसार गर्ने, दानापानी दिने व्यक्ति पनि सुरक्षित हुनुपर्ने उनले बताए । यो संक्रमणबाट मरेको बंगुरलाई राम्ररी गाड्नु पर्ने उनले बताए ।
भाडामा जग्गा लिएर बंगुर पाल्दै आएका पदम गन्धर्वले आफूले पालेका ४९ वटा बंगुर मरेको बताए । माउ र पाठापाठीसहित धमाधम बंगुर मर्न थालेपछि उनलाई हजारौं रुपैंया बराबरको क्षति भएको छ ।
बिगत ८÷१० बर्षदेखि बंगुर पालन गर्दे आएका गन्धर्व परिवारसँग अहिले तीन बंगुर मात्र छन् । ऋण धन गरेर पालेको बंगुर एक्कासी मर्न थालेपछि गन्र्धव परिवार चिन्तामा परेको छ।
