२१ कात्तिक, हेटौंडा ।
पूर्वपश्चिम राजमार्गअन्तर्गत मकवानपुरको सुनाचुरीमा बसले ठक्कर दिंदा मोटरसाइकल चालकको घटनास्थलमैं मृत्यु भएको छ ।
काकरभित्ताबाट काठमाडौंतर्फ जाँदै गरेको बा५ख ७९४३ नम्बरको यात्रुबाहक बसले विपरीत दिशाबाट आइरहेको बागमती प्रदेश ०३००३ प४९३१ नम्बरको मोटरसाइकललाई ठक्कर दिंदा मनहरी गाउँपालिका–६ नयाँबस्तीका २९ बर्षीय अबिनास गोलेको मृत्यु भएको हो ।
बस चालक हेटौंडा-१९ नेवारपानीका ५१ वर्षीय मदनकुमार गोले प्रहरीको सम्पर्कमा आएको जिल्ला प्रहरी कार्यालय मकवानपुरले जनाएको छ ।
मृतकको शब हेटौंडा अस्पतालमा राखिएको प्रहरी नायब उपरिक्षक टेकबहादुर कार्कीले जानकारी दिए ।
