काठमाण्डाै - नेकपा एमालेका अध्यक्ष केपी शर्मा ओली ठमेलको एलओडी नाइट क्लब पुगेर आफ्नैबारेको गीत सार्वजनिक गर्नुभएको छ ।
शुक्रवार बेलुकी क्लब पुगेका उहाँले ‘केपी बा’ बोलको गीत सार्वजनिक गर्नुभएको हो । एमालेको चुनावी प्रचारको लागि तयार पारिएको गीतमा ओलीको समेत आवाज मिसाइएको छ ।
ओली नाइट क्लब पुग्दा ठूलो सङ्ख्यामा युवाहरुको उपस्थिति थियो । ओलीले युवाहरुसँग केहीबेर भलाकुसारीसमेत गर्नुभएको थियो ।
