चितवन, कात्तिक २७–
पूर्वी चितवनको राप्ती नगरपालिका–७ ‘फोर ग्रुप’ बस्ने उत्तम कुमार मगरको घरमा आगलागी भएको छ । आज बिहान करिब ७ः२० बजेको समयमा टिनले छाएको भान्छा कोठामा खाना पकाउने ग्यास लिक भई अचानक आगलागी भएको प्रहरीले जनाएको छ ।
आगलागीबाट भान्छा कोठामा भएका सबै भाडाकुडा, खानेकुराहरू र फर्निचरका सामानहरू जलेको जिल्ला प्रहरी कार्यालय चितनवका प्रवक्ता विजयराज पण्डितले जानकारी दिए ।
