चितवन,कात्तिक २७-
नेकपा (एमाले) का पोलिटव्यूरो सदस्य तथा चितवन क्षेत्र नम्वर २ (ख) का प्रदेशसभा सदस्य उम्मेदवार देवी ज्ञवालीले चितवनमा चुनाव प्रचार प्रसारमा हिडेको गाडी तोडफोडको भत्र्सना गरेका छन् । उनले फेसबुकमा स्टाटस लेख्दै घटनाले चितवनबारे नराम्रो सन्देश फैलिएको बताए ।
ज्ञवालीले भनेका छन्,‘प्रतिस्पर्धी तर्फका उम्मेदवारको प्रचारका लागि खटिएको गाडीमा भएको तोडफोडले नराम्रो सन्देश दियो । सुरक्षाकर्मी मुकदर्शक प्रत्यक्षदर्शी हुँदा दण्डहिनता मौलाउँछ । बेलैमा सचेत बन्न सम्बन्धित सबैमा अनुरोध छ ।’आज आइतबार चितवनको इच्छाकामना गाँउपालिकामा चुनाव प्रचारमा हिडेको राष्ट्रिय स्वतन्त्र पार्टीका कार्यकर्ता सवार गाडीमा गठबन्धनका कार्यकर्ताले तोडफोड गरेका थिए ।
