दाङ -
प्रतिनिधि सभा र प्रदेश सभा सदस्य चुनाव अन्तर्गत दाङ क्षेत्र नम्बर–३ मा नेकपा एमालेकी उम्मेदवार कोमल वलीले अग्रता बनाउनुभएको छ । अहिलेसम्म ६ हजार ९ सय ८ मत गणना हुँदा कोमल वलीले २ हजार ८ सय ८८ मत प्राप्त गर्नुभएको छ ।
पछिल्लो मतपरिणाम अनुसार वलीले कांग्रेसका उम्मेदवार दीपक गिरीलाई पछाडि पार्नुभएको हो । गिरीले २ हजार ३ सय २५ मत प्राप्त गर्नुभएको छ ।
त्यस्तै, राष्ट्रिय स्वतन्त्र पार्टीका कमल सुवेदीले १ हजार १ सय ५५ मत प्राप्त गर्नुभएको छ ।
