काठमाडौं
बलिउड अभिनेत्री सबाना आजमी भोलिदेखि सुरु हुन लागेको दोस्रो अन्तर्राष्ट्रिय नाट्य महोत्सवमा भाग लिन विहिबार काठमाडौंमा आइपुगेकी छन् ।
उनलाई त्रिभुवन अन्तर्राष्ट्रिय विमानस्थलमा महोत्सव संयोजक सिर्जना सुब्बा लगायतले स्वागत गरे । महोत्सवमा अभिनेत्री आजमीले अभिनय सम्बन्धी मास्टरक्लास संचालन गर्ने कार्यक्रम छ ।
आइतबार भारत फर्कने आजमीले नेपालमा रहँदा मण्डला थिएटरमा चल्ने नाटकहरु पनि अवलोकन गर्नेछिन् ।
यसैबीच, बलिउड अभिनेता, गायक एवं टिभी होस्ट आदित्यनारायण झा पनि शुक्रबार काठमाडौं आउँदैछन् । उदितनारायण झाका छोरा समेत रहेका आदित्यले शनिबार फरेनहाइट क्लवमा हुने कन्सर्टमा भाग लिनेछन् ।
