चितवन, मंसिर १३
मंसिर ४ गते सम्पन्न निर्वाचनको दिन बाजुरामा अनेरास्ववियुका नेता चेतन ऐडीको हत्या भएको घटनाको बारेमा विरोध गर्दै अनेरास्ववियु चितवनले प्रधानमन्त्रीलाई ज्ञापनपत्र बुझाएको छ ।
अनेरास्ववियु चितवनका संयोजक अमितकुमार गुप्ताको नेतृत्वमा गएको प्रतिनिधिमण्डलले घटनाका दोषीलाई पक्राउ गरी कारबाही गर्न माग गर्दै आज चितवनका सहायक प्रमुख जिल्ला अधिकारी चिरञ्जीवी शर्मा मार्फत् प्रधानमन्त्रीलाई ज्ञापनपत्र बुझाएको हो ।
ज्ञापनपत्रमा हत्यामा संलग्नहरुलाई कारबाही गर्नुको साटो सत्ताको दुरुप्रयोग गरी अपराधीहरुलाई संरक्षण गर्नु र अपराधीलाई कारबाही गर्नुपर्ने माग गर्दै शान्तिपूर्ण प्रदर्शन गरिरहेका अनेरास्ववियु बाजुरा जिल्ला अध्यक्ष लगायतका नेताहरुलाई गिरफ्तार गरी झुठो मुद्दा लगाई प्रहरी हिरासतमा राख्नुले नेपाल प्रहरी र सरकारले नियोजित रुपमा नै अपराधीहरुलाई संरक्षण गरेको प्रष्ट भएको दाबी गरिएको छ ।
