चितवन, मंसिर १४
भरतपुर महानगरपालिकाले रामनगरमा वृहत खानेपानी आयोजना अघि बढाएको छ । खानेपानीको समस्या विकराल बन्दै गएपछि महानगरले ठूलो परियोजना मार्फत यस क्षेत्रमा खानेपानी लैजान थालेको हो ।
‘रामनगरबासीलाई शुद्ध खानेपानी पिलाउने तयारी पहिल्यैदेखि गर्दै आइरहेका हौं, संघीय सरकारबाट नै ठूलो परियोजना परेकोले कामको प्रक्रिया अघि बढि सकेको छ’ मेयर दाहाले भनिन् ‘यस परियोजना चाडै सम्पन्न गर्ने र रामनगरबासीलाई सहज रुपमा खानेपानी पिलाउने हाम्रो योजना रहेको छ ।’
एशिया विकास बैंकको आर्थिक सहयोगमा निर्माण सुरु हुने आयोजनामा रामनगर खानेपानी योजना समेटिएको छ । यसले रामनगरको खानेपानी समस्यालाई दिगो समाधान दिने मेयर दाहालले बताइन् ।
भरतपुरमा यस बाहेक सघं, प्रदेश र स्थानीय सरकारका अरबौं बजेट बराबरका शारदानगर, दिव्यनगर, जखेडीमाई, चौकीडाडाँ लगायतका आयोजनाहरु संचालनमा आएका छन् र केही निर्माणाधिन अवस्थामा रहेको महानगरले जनाएको छ ।
