मकवानपुर, मंसिर १८
राष्ट्रिय स्वतन्त्र पार्टीका मकवानपुर सभापति राजकुमार न्यौपानेलाई कारबाही गर्न माग गर्दै केन्द्रीय कार्यलयमा पत्रचार गरिएको छ । न्यौपानेमाथि चुनावमा कांग्रेसका नेतासँग सेटिङ गरेर आफ्नै पार्टीको उम्मेदवार हराएको नेता-कार्यकर्ताले आरोप लगाएका छन् ।
पत्रमा न्यौपानेलाई कारबाही नगरिए आफुहरुले पार्टी छाडने चेतावनी समेत दिईएको छ । न्यौपानलेले मकवानपुर २‘२’का उम्मेदवार एवम नेपाली कांग्रेसका बागमती प्रदेश सभापति इन्द्रबहादुर बानीयाँसँग सेटिङ गरेको आफुहरुसँग प्रमाण समेत रहेको भन्दै यस्तो प्रवृत्तिले स्वतन्त्र पार्टीको मूल्य मान्यतामा असर परेको उनीहरुको दाबी छ ।
