२७ मंसिर, हेटौंडा
राष्ट्रिय अपांग महासंघ बागमती प्रदेश कार्यसमितिले बागमती प्रदेश सभाको संरचना अपाङ्गमैत्री बनाउन ध्यानाकर्षण गराएको छ ।
प्रदेश सभा सचिवालयका सचिव कृष्णहरि खड्कालाई मंगलबार दिउँसो ध्यानाकर्षण पत्र बुझाउँदै अपाङ्गता भएका प्रदेश सभा सदस्य तथा अन्य व्यक्तिहरुलाई सहज आवतजावतको वातावरण बनाउन उनीहरुले माग गरेका हुन् ।
मंसिर ४ गते भएको निर्वाचनबाट बागमती प्रदेश सभा सदस्यमा स्पाइनल इञ्जुरी भएकी रामेछापकी घिमिरे निर्वाचित भएकी थिइन् । उनी ह्वीलचेयरको सहायतामा हिँडडुल गर्ने गरेकी छिन् ।
सांसद घिमिरेको सहजताका लागि स्वकीय सचिवलाई छुट्टै अधिकारसहित सभा हल र संसदीय समितिको बैठकहरुमा समेत आवतजावतको वातावरण तयार गर्न पहल गर्ने सचिव खड्काले बताए ।
