चितवन, पुस १०
भरतपुरका विभिन्न क्षेत्रमा सडक विस्तारको लागि आकस्मिकरुपमा बलपूर्वक व्यवसायिक भवनमा डोजर चलाइएको भन्दै नेपाल घर बहाल मञ्च चितवनले विरोध गरेको छ ।
विज्ञप्तिमा सरोकारवाला निकायहरुबीच यथोचित समन्वय र सहजीकरण नभई आकस्मिक रुपमा बलपूर्वक व्यवसायिक भवनमा तोडफोडका गरिएको कारण बजार तथा व्यवसायिकस्थल अस्त ब्यस्त भएको जनाइएको छ । जसको कारण बजार खण्डहरमा परिणत भएकोले यस निन्दनीय कार्यको मञ्चले विज्ञप्तिमा घोर भत्सर्ना गरेको छ ।
त्यस्तै मञ्चले व्यवसायी, घरधनी एवम् संघ संस्थाहरु प्रति सहनुभूति प्रकट गर्दै यस प्रतिकुल अवस्थामा आपसी सहयोग र सद्भावका लागि अपिलसमेत गरेको छ ।
