भारत, पुस ११
एक कक्षामा पढ्ने ६ वर्षीया बालिकाको घाँटीमा पेन्सिलको बोक्रा फसेका कारण मृत्यु भएको छ । भारतको उत्तर प्रदेशको हमिरपुर जिल्लाकी ती बालिका पेन्सिलको बोक्राका कारण सास रोकिएपछि उनको ज्यान गएको हो ।
मृत बालिका गाउँकै प्राथमिक विद्यालयमा कक्षा एकमा अध्ययन गरिरहेकी थिइन् । परिवारले उनको शवलाई पोस्टमार्टम गर्न अस्वीकार गरेको छ ।
यस घटनाबारे डाक्टर सत्येन्द्र कुमार यादवले बालबालिकाको क्रियाकलापमा निगरानी गर्ने हो भने यस्ता दुर्घटनाबाट जोगाउन सकिने बताए ।
उनले बालबालिकालाई सुताएर खाना खुवाउन र पानी पिउनबाट पनि रोक्नुपर्ने बताएका छन् । यस्तो गर्दा सास नलीमा खाना वा पानी गएर अड्किएर उनीहरुको ज्यानसमेत जान सक्ने उनले चेतावनी दिएका छन् । एजेन्सी
