काठमाण्डाै – नेपाली कांग्रेसको बाग्मती प्रदेश सभा संसदीय दलको नेतामा बहादुर सिंह लामा निर्वाचित हुनुभएको छ । केहीबेरअघि सम्पन्न मतगणनाअनुसार दलको नेतामा लामा विजयी हुनुभएको कांग्रेस बाग्मती प्रदेशका महामन्त्री राजु श्रेष्ठले जानकारी दिनुभयाे ।
आज बुधवार बाग्मती प्रदेशकाे कार्यालय हेटौँडामा भएको चुनावमा लामाले निकटतम प्रतिस्पर्धी इन्द्रबहादुर बानियाँलाई पाँच मतले हराउनुभएको हो । लामाले २१ मत पाउँदा बानियाँले १६ मतमात्र पाउनुभयो ।
यसअघि संसदीय दलको नेताको चुनावका लागि कांग्रेस बाग्मती प्रदेश उपसभापति चन्द्र महर्जनको संयोजकत्वमा निर्वाचन समिति गठन भएको थियो ।
