१८ पुस, काठमाडौं
चिकित्सा शिक्षा आयोगले चिकित्सा शिक्षाको स्नातक तह (युजी) को शैक्षिक कार्यक्रमहरुमा एकीकृत प्रवेश परीक्षाको अनलाइन आवेदन २४ पुसमा खोल्ने भएको छ ।
आयोगले एमबीबीएस, बीडीएस, बीएससी नर्सिङ, बीएएसएलपी, बी पर्फयुजन टेक्नोलोजी, बीएएमएस, बीएनएस, बीएससी एमएलटी, बीएससी एमआईटी, बी फार्मा, बी अप्टोमेट्री, बीपीटी, बीपीएचको लागि अनलाइन आवेदन खुला गरेको हो ।
आयोगका अनुसार योग्यता पुगेका इच्छुक उम्मेदवारहरुले आयोगको वेबसाइटमार्फत अनलाइन आवेदन भर्न सक्नेछन् ।
आयोगको अनुसार एमबीबीएसको परीक्षा फागुन २४ गते र बीडीएसको परीक्षा २५ गते हुनेछ ।
बीएससी नर्सिङ, बीएएसएलपी, बी पर्फयुजन टेक्नोलोजीको परीक्षा २६ गते, बीएएमएस, बीएनएस, बीएससी एमएलटी, बीएससी एमआईटी, बी फार्मा, बी अप्टोमेट्री, बीपीटी शैक्षिक कार्यक्रमको २७ गते र बीपीएचको परीक्षा फागुन २८ गते सञ्चालन हुनेछ ।
