देवघाट तनहुँ : पौष १८ गते
तनहुँको देवघाट गाउँपालिका वडा नम्बर ५ नयाँबस्ती स्थित नेपाल मगर उत्थान संघ देवघाटको निर्माणाधीन भवनको हल निर्माणका लागि आज मगर संघका ८६ घरधुरीले उत्साह पुर्वक श्रमदान गरेका छन् । सो भवन निर्माण कार्य विगत लामो समयदेखि रोकिएको थियोे ।
सो भवन निर्माणको लागि गाउँ पालिका बाट गत आर्थिक बर्ष २ लाख र हाल देवघाट गाउँपालिका ५ नम्बर वडा कार्यालय बाट ३ लाख भवन निर्माणको लागि बजेट विनियोजन भएको छ भने स्वदेश तथा विदेशमा रहेका साथीभाई बाट ४ लाख र संघ बाट ८ लाख र ३ लाख बराबरको श्रमदान गरि भवन निर्माण सम्पन्न गर्नाका लागि करिब २० लाख रुपैयाँ लाग्ने संघका अमर फेवालीमगरले जानकारी दिए। भवनको निर्माण कार्य ९० प्रतिशत काम सम्पन्न भएको समेत बताएको छ।
