१९ पुस, काठमाडौं
नेपाली कांग्रेसको शेखर–गगन पक्षले आफ्नो समूहको बैठक बोलाएको छ ।
बत्तिसपुतलीस्थित अनुपम फुडल्याण्डमा बिहीबार बैठक बोलाइएको हो ।
चुनावी समीक्षाका लागि बैठक बोलाइएको उक्त समूहका नेता भूपेन्द्रजंग शाहीले जानकारी दिए । ‘निर्वाचन सकिएपछि हाम्रो पक्षको वृहत् बैठक डाकेर समीक्षा बस्न सकेको थिएन । निर्वाचनको समीक्षा बैठक बस्न लागेको हो,’ शाहीले अनलाइनखबरसँग भने ।
२२ गतेदेखि सुरु हुने केन्द्रीय समितिको बैठकमा आफ्नो पक्षले उठाउने विषयमा पनि बैठकमा छलफल हुने छ ।
उक्त समूहको १३ पुसमा बसेको शीर्ष नेताको बैठकले आफ्नो पक्षमा थप छलफल गर्ने निर्णय गरेको थियो ।
