चितवन, पुस १९

भरतपुरका सन्तोष न्यौपाने भारतको सम्पूर्णानन्द संस्कृत विश्वविद्यालयमा प्रथम भएका छन् ।

स्नातक (शास्त्री) तहमा १२ कम हुँदा कम हुँदा उनी मेडलबाट चुकेका थिए । यद्यपि अहिले उनै न्यौपानेले आफ्नो प्रतिस्पर्धी भन्दा १४७ नम्बर बढी ल्याउँदै विश्वविद्यालय प्रथम बनेका हुन् । न्यौपानेको शुक्रनगरमा बुबा र आमा छन् । पाँच दिदीको विवाह भइसकेको छ । न्यौपानेले नारायणी अनलाइनलाई भने, ‘ ज्योतिषी क्षेत्रलाई केवल आर्थिक आम्दानी मात्रको लागि प्रयोग नगरी यो प्राचीन विज्ञानलाई विश्वसामु परिचित बनाउने लक्ष्य छ ।’ उनले १३ वर्षको उमेर घर छाडेका थिए । तीन वर्ष दाङमा अध्ययन गरेपछि त्यहाँबाट एसएलसी पास गरेर भारतको बनारस गएर उच्च शिक्षा लिएका हुन् ।

सन् १७९१ मा स्थापना भएको यस विश्वविद्यालय भारतको प्राचिन मध्येको एक विश्वविद्यालय हो । यहाँ भारतसहित नेपाल, थाइल्याण्ड, बर्मालगायतका देशबाट विद्यार्थीहरु पढ्न आउँछन् । उनीसँगै नवलपुर दलदलेका कृष्ण भूर्तेलले नब्बे न्याय र बाजुरा बडिमालिकाका सिद्धराज उपाध्यायले पुरान इतिहासमा १÷१ स्वर्ण पदक प्राप्त गर्दै विश्वविद्यालय प्रथम बनेका छन् ।