२० पुस, काठमाडौं
काठमाडौंको दरबारमार्गको सडकबाट पार्किङ हटाइएकोमा त्यहाँका व्यवसायी तथा व्यापारीले आपत्ति जनाएका छन् ।
उनीहरुले काठमाडौं उपत्यका ट्राफिक प्रहरी महाशाखामा ध्यानाकर्षण पनि गराएका छन् ।
ट्राफिक प्रहरी, सडक विभाग र काठमाडौं महानगरपालिकासँग विगतमा भएको सहमति अनुसार एक लाइन पार्किङ गर्न पाउनु पर्ने व्यवसायीको माग छ ।
पार्किङ व्यवस्थापनका लागि छलफल गर्न जाँदा महानगरका मेयर बालेन साहले समय नदिएको तर अहिले एक्कासी पार्किङ हटाइएको उनीहरुको आरोप छ ।
