काठमाडौं
नेपालबाट आधा शताब्धीअघि चोरिएको पुरातात्विक बुद्ध प्रतिमा हलिउड फिल्म निर्माता माइक फिलिप्सको अमेरिकाको लस एन्जलसस्थित बेभर्ली हिल्सको घरमा भेटिएको छ ।
हराएका सम्पदाको खोजबिनमा सक्रिय ‘लस्ट आर्ट्स अफ नेपाल’ले छैटौं शताब्दीको सिर्जना मानिने उभिएको बुद्धको मूर्ति फिलिप्सको घरमा भेटिएको सार्वजनिक गरेको छ । उक्त मूर्ति २०२५ सालतिर ललितपुर मच्छिन्द्रबहालबाट चोरिएपछि स्थानीयवासीले प्रशासनमा जानकारी गराएको समेत जनाइएको छ ।
अहिले अमेरिकाको न्युयोर्कमा बस्ने ७९ वर्षीय फिलिप्स सन् १९७३ मा रिलिज भएको हलिउड फिल्म ‘द स्टिङ’का निर्माता समेत हुन् । ४६ औं ओस्कार अवार्डमा १० विधामा मनोनयन भएको यो फिल्मले उत्कृष्ट फिल्मसहित सात विधामा जित हासिल गरेको थियो ।
तस्वीर : आर्टस् अफ एसिया म्यागजिन
