पर्वत, माघ २
हिजो (आएतबार) भएको विमान दुर्घटनामा एकै परिवारका चार सदस्यले ज्यान गुमाएका छन् । माघे संक्रान्ति मनाउन जाने क्रममा आइतबार ४० वर्षीय युवराज शर्मा, उनको ६३ वर्षीया आमा जमुना शर्मा, १३ वर्षीया छोरी आरुबी र छोरा पाँच वर्षीय बेबीको मृत्यु भएको हो ।
पहिचान भएर पोस्टमार्टम सकेपछि सोमबार नै शव आफन्तलाई जिम्मा लगाउने पश्चिमाञ्चल क्षेत्रीय अस्पतालले बताएको छ। संकलित सबै शव पश्चिमाञ्चल क्षेत्रीय अस्पतालमा नै राखिएको छ। ६८ जना यात्रु र चालक दलका चार जना सदस्य गरी ७२ जना बोकेर उडेको यति एयरको एआरटी ७२ विमान पोखरा महानगरपालिका–१५ नयाँ गाउँस्थित सेती नदी खोचमा दुर्घटना परेको हो।
