काठमाडौं, माघ ८
बलिउड तथा हलिउड अभिनेत्री प्रियंका चोपडाले सरोगेसी (भाडाको कोख) बाट आमा बन्नुको कारण खुलाएकी छन्। ४० वर्षिया प्रियंकाले ‘ब्रिटिश वोग’ म्यागेजिनमा आफ्नी छोरी मालती मेरीसँग फोटोसुट गराएकी थिइन्। यसै क्रममा उनले मालतीको आमाको रूपमा आफ्नो अनुभव सेयर गरेकी छन्।
‘मलाई मेडिकल जटिलता थियो, मेरो लागि यो आवश्यक थियो र म आभारी छु। म यस्तो स्थितिमा थिएँ यदि मलाई बच्चा चाहिन्छ भने सरोगेसी नै उचित थियो। मेरो सरोगेट दयालु र मायालु थिइन्। उनले ६ महिनासम्म हाम्रो छोरीको ख्याल राखिन्,’ उनले भनिन्।
जन्मिँदै स्वास्थ्यमा समस्या देखिएपछि प्रियंका र निक जोनसले आफ्नी छोरीलाई एनआइसियू (नियोनेटल इन्टेन्सिभ केयर युनिट) मा एक सय दिन राखेका थिए।
