चितवन, माघ १२
रत्ननगर नगरपालिकाको आयोजनामा नगरस्तरीय मेलमिलाप समन्वय समितिको पुनर्गठन भएको छ ।
रत्ननगर नगरपालिकाका नगरप्रमुख प्रल्हाद सापकोटाको प्रमुख आतिथ्यतामा सम्पन्न कार्यक्रममा प्रमुख प्रशासकीय अधिकृत छविलाल सुवेदी, विज्ञ सल्लाहकार रामहरि न्यौपाने, न्यायिक समिति सदस्य देवेन्द्र भुजेलको सहभागिता रहेको थियो ।
कार्यक्रमको सहजीकरण न्यायिक समितिका सदस्य सचिव प्रियंका थापाले गरेकी थिइन् ।
