१३ माघ, विराटनगर
बुधबार विराटनगरमा मृत भेटिएका व्यवसायी मोहन न्यौपाने र काठमाडौंमा आत्मदाह गरेका इलामका प्रेमप्रसाद आचार्यप्रति विराटनगरका व्यवसायीले श्रद्धाञ्जली अर्पण गरेका छन् ।
आर्थिक भार थेग्न नसकेको भन्दै सुसाइट नोट लेखेका विराटनगर महानगरपालिका ३ पोखरियाका ५७ वर्षीय मोहन न्यौपानेको शव बुधबार घरमै फेला परेको थियो । आचार्यले भने काठमाडौंमा आत्मदाह गरेका थिए ।
नेपाल उद्योग परिसंघ प्रदेश १ का अध्यक्ष भीम घिमिरले राज्य र पद्धतीको सुधारका निम्ति दुई व्यक्तिले ज्यान दिएको बताए ।
मोरङ व्यापार संघका अध्यक्ष नविन रिजालले इलामका प्रेमप्रसाद आचार्य र विराटनगरका मोहन न्यौपानेको आत्महत्या राज्यको कमजोरीका कारण भएको बताए ।
कार्यक्रममा उद्योग संगठन मोरङका अध्यक्ष सुयस प्याकुरेलले राज्य छ भन्ने अनुभूति राज्यले दिलाउनु पर्ने बताए ।
