काठमाडौँ, माघ २५
साथीको फेक फेसबुक आइडी बनाएर दुरूपयोग गरेको आरोपमा प्रहरीले एक जना युवतीलाई पक्राउ गरेको छ।
उनले उक्त आइडीको दुरूपयोग गरेर केटा साथीहरूसँग कुराकानी गरी विभिन्न समस्याहरू देखाउने गरेकी थिइन्। समस्या देखाएर उनले पैसा लिने गरेको पनि प्रहरीले जनाएको छ।
अनुसन्धानमा संलग्न प्रहरीका अनुसार पक्राउ परेकी युवती पनि अष्ट्रेलिया जाने तरखरमा थिइन्।
‘उनीहरू दुबै जना अष्ट्रेलियाको लागि तयारी गर्दा चिनेका साथीहरू हुन्। यिनको भिसा लागेन। साथीको लागेपछि अष्ट्रेलिया पुगिन्,’ उनले भने, ‘तर पछि उनीहरूबीच मनमुटाव बढेपछि यसो गर्न थालेको देखियो।’
