३ फागुन, काठमाडौं
गैरआवासीय नेपाली संघ टर्कीको टोली टर्कीको भूकम्प प्रभावित क्षेत्रमा राहत सामग्री लिएर पुगेको छ ।
संघका टर्की महासचिव विनोद पौडेलका अनुसार गैरआवासीय नेपाली संघको टोली १५ हजार अमेरिकी डलर बराबरको राहत सामग्री लिएर भूकम्प प्रभावित क्षेत्रमा पुगेको हो । प्रभावित क्षेत्रका बासिन्दालाई खाद्यान्न, लत्ताकपडा र उद्दार सामग्री वितरण गरीएको पौडेलले बताए ।
गैर आवासीय नेपाली संघको टोलीले भूकम्प प्रभावित क्षेत्रमा अन्य नेपाली रहेको वा नरहेको पनि खोजी गर्ने महासचिव पौडेलले बताए ।
