२४ फागुन, काठमाडौं
नेपाली कांग्रेसको संसदीय दलको बैठक बस्दैछ । बिहान साढे ८ बजे संसदीय दल कार्यसमितिको बैठक बसेपछि ९ बजे संसदीय दलको बैठक बस्ने छ । बैठक संघीय संसदको लोत्से हलमा बस्ने छ ।
सत्ता समीकरण बदलिएपछि कांग्रेस पनि सक्रिय भएको छ । एकीकृत समाजवादीलाई रोक्न नसके पनि केही साना दललाई नयाँ गठबन्धनमा जानबाट रोकेका देउवाले आज संसदीय दलको बैठक बोलाएका हुन् ।
आज बस्ने संसदीय दलको बैठकले थप रणनीति तय गर्ने नेताहरूले बताएका छन् । प्रधानमन्त्री प्रचण्डले भने बुधबार नै एमाले, माओवादी, रास्वपा र एकीकृत समाजवादीलाई समेटेर मन्त्रिपरिषद् विस्तार गरिसकेका छन् ।
