काठमाण्डौ
नेपाली राष्ट्रिय क्रिकेट टोलीका कप्तान रोहित पौडेलले दक्षिण अफ्रिकासँग नेपालले उत्कृष्ट खेल्दाखेल्दै हारेको बताएका छन् ।
दक्षिण अफ्रिकासँग एक रनले हारेपछि भएको पत्रकार सम्मेलनमा रोहितले नेपाली टोलीले बलिङ र ब्याटिङमा राम्रो प्रदर्शन गरेकोमा आफूलाई गर्व लागेको पनि बताएका छन् ।‘हामी जितको धेरै नजिक थियौँ, केही टाढा पनि थियौँ । तर कोसिस गर्दागर्दै अन्तिममा पराजित हुन पुग्यौँ,’ रोहितले भने ।
आउँदा खेलमा नेपालले थप राम्रो प्रदर्शन गर्ने रोहितको भनाई छ । मैदानको पीचले स्पिनरलाई सफलता दिलाउने देखेर कुशल भुर्तेललाई चार ओभर बलिङ गराएको र यो रणनीति सफल भएको रोहितको भनाइ छ ।
