देवघाट भदौ१
तनहुँको देवघाटमा गाउँपालिका स्तरीय महिला सञ्जालको आयोजनामा यस वर्ष मौलिकता झल्किने गरी तीज कार्यक्रम गर्ने भएका छन् । महिलाहरूको महान पर्व "तीज"भड्किलो बन्दै गइरहेको बेला यसवर्ष मौलिकता झल्किने गरि तीज मनाउन लागेको देवघाट महिला सञ्जालका अध्यक्ष राधादेवी खनालले बताउनु भयो ।
अध्यक्ष खनालले तीजको दिन महिला दिदिबहिनीहरू पार्टी प्यालेस लगाएत विविध ठाउँमा गएर मनाउने,बढि खर्च गरेर दर खाने र आफ्नो संस्कृतिलाई विक्रिति तर्फ लम्काउने प्रविधि बनेको छ,भने विक्रितिलाई देवघाटमा फैलिन नदिन र मौलिक रितिरिवाज अनुसार पहिला-पहिला एक ठाउँमा महिला दिदिबहिनी भेटघाट गर्ने र सामान्य परिवेशमा आउनेजाने गित गाउने र रमाइलो गरी तीज मनाउने अध्यक्ष खनालको भनाइ छ । नेपाली नारीहरूको महान पर्व हरितालिका तीजको अवसरमा महिला सञ्जालले यो वर्ष पनि विभिन्न कार्यक्रमहरू आयोजना गर्दै आइरहेको छ ।
दिदिबहिनीहरू माइतीघर तीज मनाउन जाने त जानुहुन्छन् तर यहि रहेका र यहाँ आउने दिदिबहिनीहरूलाई तीजको दिन रमाइलो गर्न बढि खर्च गरी बजार हैन कि यहि गर्न पाइयोस् भनेर आगमि २१ गते हरितालिका तीजका दिन देवघाट-५ हाटबजारमा कार्यक्रम राखिएको देवघाट महिला सञ्जालका सचिव एलिजा अधिकारीले बताउनुभयो । उक्त कार्यक्रम विहान ११ बजेदेखि सुरूवात हुने छ । साथै सम्पूर्ण महिला दिदी बहिनीहरू उपस्थितिका लागि समेत निमन्त्रणा गरेका छन् ।
नियम तथा जानकारीहरू:
१.साउण्ड सिस्टमको व्यवस्था महिला सञ्जालले व्यवस्था गरेको छ।
२.उपस्थित दिदी बहिनीहरूको पोशाक स्थानीय कला, संस्कृति झल्कने हुनु पर्नेछ ।
३.नारी जागरण, सशक्तिकरणसँग सम्बन्धित तीज गीत हुनु पर्नेछ ।
४.कुनै व्यक्ति,धर्म,संस्कृति,सम्प्रदाय,राजनीतिक दल विशेष, समूहहरूलाई व्यक्तिगत आक्षेप लगाउन पाइने छैन ।
