जनकपुर, असोज २७–
प्रधानमन्त्री शेरबहादुर देउवाले सत्तागठबन्धनबाट बाहिरिएपछि जनता समाजवादी पार्टी (जसपा)का चार मन्त्रीलाई बिहीबार पदमुक्त गरे । जसपाले आसन्न निर्वाचनमा नेकपा (एमाले)संग मिलेर उम्मेदवारी दर्ता गराएपछि देउवाले जसपाका मन्त्रीहरुलाई पदमुक्त गरे ।
मधेश प्रदेश सरकारमा कांग्रेसबाट प्रदेश सरकारमा भौतिक पूर्वाधार विकासमन्त्री रामसरोज यादव, खानेपानी तथा उर्जा विकासमन्त्री ओमप्रकाश शर्मा र महिला, बालबालिका, युवा तथा खेलकुदमन्त्री वीरेन्द्रप्रसाद सिंह छन् ।
नेकपा एकीकृत समाजवादीबाट उद्योग, पर्यटन तथा वनमन्त्री शत्रुधन महतो र कानून, न्याय तथा प्रदेश सभा मामिलामन्त्री प्रमोद यादव र राज्य मन्त्री नागेन्द्र राय यादव छन् । यस्तै नेकपा माओवादी केन्द्रबाट गृह तथा सञ्चार मन्त्री भरतप्रसाद साह र राज्यमन्त्री रुवीकुमारी कर्ण छन् ।
