चितवन, कात्तिक २९
चितवन निर्वाचन २ (ख) का प्रदेश सभा सदस्य उम्मेदवार नेपाली कांग्रेसका उत्तम जोशीले यस क्षेत्रलाई पर्यटकीय गन्तव्यको रुपमा बिकास गर्ने बताउनु भएको छ ।
केरुङ्गा घोल, डबकहा घोल, पुंगीखोलालगायतलाई व्यवस्थित गर्ने उहाँको प्रतिबद्धता छ । यसले रोजगारी सृजनाका साथै स्थानीयको आम्दानीको स्रोत पनि बढ्ने उहाँको विश्वास छ । धार्मिकस्थल तथा सांस्कृतिक क्षेत्रको संरक्षण र विकासलाई पनि जोड दिने उहाँले प्रतिबद्धता जनाउनुभयो ।
