वैशाख २३
चितवनको खैरहनीमा नेकपा एमालेले आफ्नो घरदैलो तथा कोण सभा आक्रमक रुपमा अघि वढाएको छ । निर्वाचनको मिति नजिकिदै गर्दा गठवन्धनको प्रवाह नगरि एमालेका उम्मेदवारहरु विहानदेखी वेलुका सम्म घरदैलोमा व्यस्त छन् ।
घरदैलोको समय छोटो भएकाले उम्मेदवारहरु प्रत्येक घरघरमा पुग्ने अवस्था छैन् । खैरहनीमा रहेका १३ वटा वडाकै घरमा पुग्न उनीहरुलाई मुस्किल छ । उनीहरुले संभव भएसम्म घरघरमा पुगेर भोट मागेका छन्, त कतिपय ठाउँमा कोण सभा मार्फत आफ्ना योजना सुनाउँदै जनतालाई मत दिन आह्वान गरिरहेका छन् ।
नगर प्रमुख पदका उम्मेदवार लालमणि चौधरी,उपप्रमुख पदका उम्मेदवार कविता उप्रेती वडा वडामा पुगेर मत मागिरहेका छन् । उनीहरुले नगरको ८ वटा वडामा घरदैलो गरिसकेको छ ,अव वडा नम्वर ८,१०,११,१२ र १३ वाँकी छ । एमालेले अघिल्लो निर्वाचनको विरासत जोगाउँदै केही वडा थप गर्ने रणनिति वनाएको छ ।
खैरहनीको वडा नम्वर ४ र ५ लाई काग्रेशको गढको रुपमा लिने गरिएता पनि एमालेको घरदैलो कार्यक्रममा स्थानीयको उत्साजनक उपस्थिती र मायाले उत्साहित भएको एमालेबाट खैरहनीमा नगर प्रमुख पदका उम्मेदवार तथा पुर्व नगर प्रमुख लालमणि चौधरीले बताए ।
पहिलो कार्यकालमा पनि नगरको क्षमताले भ्याएसम्मको काम गरेको स्मरण गर्दै पुर्व नगर प्रमुख चौधरीले निर्वाचित भएमा लोककल्याणकारी कामलाई प्राथमिकता दिने बताए ।
