karishma gurung
देवघाट तनहुँ:जेठ १५ गते
तनहुँ देवघाट गाउँपलिकाको आयोजना आज १६औँ गणतन्त्र दिवस। गाउँपालिकाको प्राङ्गणमा देवघाट गाउँपालिका अध्यक्ष तिल बहादुर थापा,उपाध्यक्ष भुवन सिं गुरुङ,प्रमुख प्रशासकीय अधिकृत रमेश सुवेदी र देवघाट गाउँपालिका प्रवक्ता एवं ५ वडा अध्यक्ष पुर्ण बहादुर कुँवरले एकसाथ नेपालको नक्सामा दीप प्रज्वलन गरि १६ औँ गणतन्त्र दिवस मनाइएको छ। नेपाली नागरिकको लामो बलिदान र सङ्घर्षको उपलब्धिका रूपमा डेढ दशकदेखि यो दिवस मनाइँदै आएकाे छ ।
कार्यक्रममा देवघाट ५ वडा सदस्य बुद्धि बहादुर पाण्डे,देवघाट गाउँपलिका प्रशासन शाखा प्रमुख गोविन्द प्रसाद पौडेल,कार्यक्रम अधिकृत शाखा प्रमुख कृष्णराज पन्त र होम बहादुर भाराती लगाएतको उपस्थिति रहेको थियो।
वि.सं. २०६२/६३ को ऐतिहासिक जनआन्दोलनका माध्यमबाट देशमा राजतन्त्रको अन्त्य गरी गणतन्त्र स्थापना भएको हो ।
तत्कालीन सात राजनीतिक दल र नेकपा (माओवादी) बीच भएको सहमतिअनुसार २०६४ चैत २८ गते ऐतिहासिक संविधानसभाको चुनाव भयो । २०६५ जेठ १५ गते संविधानसभाको प्रथम बैठकले दुई सय ४० वर्षदेखि कायम रहेको शाहवंशीय राजतन्त्र अन्त्य गर्दै गणतन्त्र घोषणा गरेको थियो ।
