देवघाट साउन २२
आज साउन महिनाको चौथो सोमबार पनि देवघाटधाममा शिवभक्तहरुको घुइँचो लागेको छ । पहेंलो बस्त्रधारी लगाएर बोलबम मेलामा आएका तीर्थालुहरुको शिव मन्दिरहरुमा चहलपहल छ । मलमास र वर्षेझरीको पर्वाह नगरी शिवभक्तहरु देवघाटमा पूजा गर्ने भीड लागेको थियोे ।
यस वर्षको साउनको पहिलो हप्ता भक्तजनहरूको घुइँचो थियोे दोस्रो र तेस्रो हप्ता मलमासका कारणले अलि कम थियोे भने आज २२ गते सोमबार भने भक्तजनहरूको निकै भीड थियोे । सोमबार बिहानै हल्का वर्षाका कारण पनि बोलबममा भक्तजनहरू आएका थिए धर्म मान्ने मान्छेलाई केहि चिजले पनि छेक्दैन भन्दै मलमास र वर्षे पानीको बाबजुद पनि बोलबममा आएको तिर्थयात्री रिता पन्तले बताए । आफु हरेक वर्ष देवघाटमा साउने बोलबम मेला आएको बताउदैँ सबैलाई धर्म गर्न देवघाट आउन आग्रह गरे ।
त्यस्तै काठमाडौँबाट आएको एक तिर्थयात्री कल्पना रेग्मीले हरेक वर्ष बोलबम मनाउन आफु देवघाट आएको बताउदैँ पवित्र भुमिमा आउदा मनमा शान्ति मिलेको बताए । साथै उनले आफ्नो पति र घरपरिवारको लागि साउन महिनामा व्रत समेत बस्दै आएको बताइन् । सो बोलबम मेलामा स्थानीय व्यापारी भरिमायाँ गुरूङले चौथो बोलबम मेलामा मान्छे धेरै आएर व्यापार भएको भन्दै खुसी व्यक्त गरिन् । त्यस्तै गरि अर्को व्यापारी गंगा गुरूङले बोलबमको दोस्रो र तेस्रो हप्तामा मान्छे नआएपछि सामान बिक्री नभएर तेतिकै लथालिङ्ग थियोे तर चौथो हप्ता आज सबै सामान बिक्री भएपछि व्यापार राम्रो भएको बताईन । बोलबम मेलामा स्थानीयहरूले अर्गानिक तरकारी,फलफूल लगाएत बिक्रीवितरण गरेका थिए ।
साउन महिनाका हरेक सोमबार शिवको पूजाआजा गरे सुख,शान्ति र अटल सौभाग्य मिल्ने धार्मिक विश्वास पनि गरिन्छ । त्यसैले साउनको सोमबार शिवको प्रियबार भएको भन्दै यसै दिन शिवकाभक्तहरू शिव मन्दिरहरुमा पुग्छन् ।आजको दिन शिवलाई शुद्ध जल चढाउने चलन पनि छ । बोलबममा धेरै जसो तिर्थयात्रीहरू खाली खुट्टा देवघाट आउने गर्दछ । यस वर्षको साउनमा ५ वटा सोमबार थियोे भने अब अन्तिम सोमबार मात्रै बाँकी छ ।
