करिस्मा गुरुङ तनहुँ,
देवघाट गाउँपालिका वडा नम्बर ४ गाईघाटमा अविरल वर्षाका कारण आज बिहान करिब ४ बजेको समयमा घुस्ररी खोलामा अचानक बाढी आउदा दुई घरमा क्षति पुगेको छ ।
सो पहिरोमा परि देवराज भुजेल र हर्क बहादुर भुजेलको घरमा क्षति भएको छ भने देवराज भुजेलको घर,गाईको गोठ,बाख्राको खोर र धारा लगाएत सबै बगाएको छ। देवघाट ४ गाईघाटमा भएको सो घटना थाहा पाए पश्चात् देवघाट गाउँपालिकाका अध्यक्ष तिल बहादुर थापा,उपाध्यक्ष भुवन सिं गुरुङ,देवघाट ४ वडा अध्यक्ष मित्रलाल गुरुङ र ईलाका प्रहरी कार्यालयका प्रहरी सहितको टोलि सो स्थानमा तत्काल उपस्थित भइ अनुगमन गरिएका थियो ।
सोही अनुगमनमा पलिका अध्यक्ष तिल बहादुर थापाले बाढीले घरगोठ सबैमा क्षति पुर्याएको बताउदै दैवीप्रकोप कसैले छेकेर नछेकिने बताउदै दु:ख व्यक्त गरे छन्।
साथै हाल पालिकाको तर्फबाट तत्काल गर्न सक्ने राहत त्रिपाल,म्याट,डोरी,बाल्टिन लगाएतको सामान हस्तान्तरण समेत गरेर छन् भने अध्यक्ष थापाले थप राहतको लागी कार्यपालिका बैठकमा निर्माण गर्ने र जिल्ला संग पनि आफुले सक्ने सक्दो पहल गर्ने बताउदैँ विपतको बेलामा सहयोगी महानुभावहरुलाई सहयोग गर्न अनुरोध समेत गरेका छन ।
