प्रतिमा खत्री, तनहुँ,

"रूख रोपौँ,वन जोगाऔँ"भन्ने मुल नारा सहित कालिका सामुदायिक वन उपभोक्ता समूहको २५ औँ" वार्षिक साधारणसभा कार्यक्रम आज सम्पन्न भएको छ । शुक्रबार भएको सो साधारणसभा कार्यक्रममा वनका कोषाध्यक्ष शुसिला नेपालले २०७९/०८० आयव्यय प्रस्तुत गरिएका थिए । सो कार्यक्रमका प्रमुख अतिथि देवघाट गाउँपालिकाका प्रवक्ता एवं वडा नम्बर ५ अध्यक्ष पूर्ण बहादुर कुँवरले कार्यक्रमलाई सम्बोधन गर्दै हरियो वन नेपालको धन भनेझैँ वनको संरक्षण गर्न अति आवश्यक रहेको बताए

। सामुदायिक वन सबैको साझा सम्पत्ति हो हामीले अहिले वनको संरक्षण गर्ने हो भने भावी पुस्ताहरूको लागि थप टेवा पुग्ने बताए । त्यस्तै गरि ५ वडा अध्यक्ष देवघाटमा रहेका सामुदायिक वनहरू मध्ये कालिका वनले धेरै सामाजिक क्षेत्रहरुमा पनि राम्रो कामहरू गर्दै आएको बताउदैँ आगमि दिनहरूमा पनि वन संघ सहकार्यमा अगाडि बढ्ने प्रतिवद्वता जनाए । त्यस्तै गरि कार्यक्रमका विशिष्ट अतिथि सामुदायिक वन उपभोक्ता महासंघ नेपाल गण्डकी प्रदेश सचीव केशव चन्द्र न्यौपाने वन हरियाली रहे मात्रै हामी रहन्छौँ भन्दै सबैले वनको रक्षा गर्नुपर्ने बताउदै बताए । त्यस्तै कार्यक्रमका विशिष्ट अतिथि सव-डिभिजन वन कार्यालय देवघाटका प्रमुख कृष्ण प्रसाद भट्टले कार्यक्रम मन्तव्य दिदैँ मानव जातिको सबै भन्दा महत्त्वपूर्ण चिज मध्येमा वन जंगल पर्ने बताउदैँ यसको संरक्षणमा सबैले हातेमालो गर्नुपर्ने बताए ।

आज भन्दा अगाडि देवघाटमा रहेको सामुदायिक वनहरू जसरी अगाडि बढेता पनि अब भने वनको नीति नियम अनुसार आफुले सामुदायिक वनलाई अगाडि बढाउने बताए । साथै कार्यक्रममा तनहुँ जिल्ला वन महासंघका सदस्य भोजराज नैनावस्तीले पनि शुभकामना मन्तव्य राखेका थिए। त्यस्तै गरि सो कार्यक्रममा वनद्वारा दुई जेहेन्दार विद्यार्थीलाई छात्रवृत्ति समेत प्रदान गरिएको थियोे । सभा कार्यक्रममा देवघाट ५ मा रहेको बज्रयोगीनी माध्यमिक विद्यालयमा अध्यनरत जेहेन्दार विद्यार्थी जिविका बोटे र अनामी बोटेलाई कार्यक्रमका प्रमुख अतिथि देवघाट गाउँपालिका प्रवक्ता एवं ५ वडा अध्यक्ष पुर्ण बहादुर कुँवर र कार्यक्रमका सभा अध्यक्षता कालिका सामुदायिक वनका अध्यक्ष कृष्णराज न्यौपानेले सो छात्रवृत्ति प्रदान गर्नुभएको थियो । वनका अध्यक्ष कृष्ण न्यौपानेको अध्यक्षतामा भएको सो कार्यक्रम वनका सचिव निस्मा थापाले सञ्चालन गरेका थिए