देवघाट पुस २० प्रतिमा खत्री
देउती सामुदायिक वन उपभोक्ता समुहको २२ औँ साधारण सभा तथा १२ औँ अधिवेशन कार्यक्रम सम्पन भएको छ । सो अधिवेशन शुक्रबार वनको भवनमा सम्पन्न भएको हो ।
सोही अधिवेशनमा सुर्य बहादुर न्यौपाने पुनः अध्यक्ष पदमा चयन हुनु भएको हो उनले वन समितिमा रहेर पुन: चलाउने प्रस्ताव गर्दा उपभोक्ताहरु सबैजानले खुसी व्यक्त गर्नुभएपछि अध्यक्ष पदमा चयन भएको थियो । साथै उपाध्यक्ष पदमा ठाकुर कुमारी काफ्ले , कोषाध्यक्ष हरि माया शिवाकोटी,सचिव कुमारी थापा, सद्स्य सन्तोष तिवारी ,नारन थापा, कृष्ण प्रसाद शुवेदी चिजा परियार, जानुका तिवरी, परि माया मगर, सुकुमाया थापा गरी ११ जनाको सदस्यीय मनोनित भएको छ ।
सो कार्यक्रममा बोल्दै कार्यक्रमका प्रमुख अथिती देवघाट गाउँपालिका प्रवक्ता एवं वडा नम्बर ५ अध्यक्ष पूर्ण बहादुर कुँवरले वन हाम्रो साझ सम्पति हो वनका कारणले हामीलाई र हाम्रो देश नेपाललाई विश्व सामु चिनाएको बताउनु भयो । वनबाट दाउरा घाँस लगाएत विभिन्न चिजहरू आर्जन गर्न सकिने भएको हुदाँ यसलाई संरक्षण आफैले गर्नुपर्ने बताए ।
साथै उक्त कार्यक्रममा देवघाट गाउँपालिकाका वडा नम्बर -५ सदस्य बुद्धि बहादुर पाण्डे, सरस्वति परियार,सामुदायिक वन उपभोक्ता महासंघ गण्डकी प्रदेश सचिव केशव चन्द्र न्यौपाने , स्थानिय वन महासंघ अध्यक्ष प्रविण कार्की , सव डिभिजन वन कार्यालय प्रतिनिधि लक्ष्मण बहादुर थापा,मधु सामुदायीक वन उपभोक्ता समितीका अध्यक्ष डिल्लीराम गिरी, कालिका सामुदायिक वनका अध्यक्ष कृष्ण राज न्यौपाने लगायतको उपस्थिति रहेको थियो ।
