देवघाट जेष्ठ १५

"मानवताकाे सेवा नै जिवनकाे सर्वाेत्तम कार्य हाे"भन्ने मुल नारा सहित देवघाटधाम जेसीज,लियाे क्लब अफ देवघाट चाैतारी, देवघाट सामुदायिक सिकाई केन्द्र र नेपाल रेडक्रस साेसाईटी देवघाट उपशाखाकाे संयुक्त आयाेजना तथा प्रादेशिक रक्तसञ्चार केन्द्र,भरतपुरकाे प्राविधिक सहयाेगमा आज मंगलबार देवघाट गाउँपालिका परिसरमा रक्तदान कार्यक्रम गरी गणतन्त्र दिवस मनाएका छन् ।

जहाँ ४८ जनाले रक्तदान गरेका थिए । रगतको अभावले कोहिपनि बिचलित हुन नपरोस् भन्ने हेतुले रक्तदान कार्यक्रम आयोजना गरिएको कार्यक्रम संयोजक सम्राट अधिकारी जानकारी दिए । सो रक्तदान कार्यक्रममा देवघाट गाउँपालिकाका अध्यक्ष तिल बहादुर थापाको प्रमुख अतिथ्यमा भएको थियोे ।

रक्तदान कार्यक्रम सँगै देवघाट गाउँपालिकाको सभाहलमा Public Speaking & Personality Development Training समेत आज सम्पन्न गरिएको छ । सो तालिम SEE र +2 दिएर बसेका विद्यार्थीहरूलाई विषेश प्राथमिकताका साथ निःशुल्क तालिम दिइएको देवघाटधाम जेसीजका अध्यक्ष जेसी रघु मल्लले बताएका थिए ।

सो तालिममा देवघाट गाउँपालिकाका प्रमुख प्रशासकीय अधिकृत गौरी प्रसाद आचार्य,देवघाट गाउँपालिकाका प्रवक्ता एवं वडा नम्बर-५ अध्यक्ष पूर्ण बहादुर कुँवर,देवघाट गाउँपालिकाका शिक्षा शाखाका कर्मचारी सुभद्रा भट्टराई, गलेश्वर आश्रमका बटुकहरू,सहकारीका अध्यक्ष तथा प्रतिनिधि त्यस्तै गरि देवघाटधाम जेसीज बोर्डका सदस्यहरू लगाएत अन्य महिला दिदिबहिनीहरूले तालिममा सहभागी जनाएका थिए ।