देवघाट जेष्ठ २०
जिल्ला आयुर्वेद स्वास्थ्य केन्द्र तनहुँको आयोजनामा आज आइतबार देवघाट गाउँपालिकाको सभाहलमा विद्यालय आयुर्वेद तथा योग शिक्षा कार्यक्रम सम्पन्न गरेका छन् ।
विद्यार्थी जीवनमा योग र ध्यान अति आवश्यक रहने भएको हुदाँ आज केही शिक्षक तथा व्यवस्थापन समितिका अध्यक्षको सहभागीता गराइ कार्यक्रम आयोजना गरिएको जिल्ला आयुर्वेद स्वास्थ्य केन्द्र तनहुँका डा.किरण चन्द्र पौडेलले बताएका थिए । कार्यक्रमका प्रमुख अतिथि देवघाट गाउँपालिकाका अध्यक्ष तिल बहादुर थापाले योग ध्यान मानवीय जीवनमा अति आवश्यक रहेको बताए ।
अध्यक्ष थापाले एक स्वास्थ र निरोगी मान्छे बन्नको लागि यी दुवै चिज आवश्यक छ भन्दै निरोगी बन्न सबैले हरेक बिहान दिनमा १ घण्टा जति समय निकालेर योगाअभ्यास गर्न आवश्यक छ भने । अब देवघाटको जतिपनि विद्यालय छ अब त्यसमा आयुर्वेद तथा योग शिक्षा कार्यक्रम तत्काल लैजाने अध्यक्ष थापाले बताए ।
कार्यक्रममा देवघाट गाउँपालिकाका प्रमुख प्रशासकीय अधिकृत गौरी प्रसाद आचार्य,शिक्षा शाखा अधिकृत होमनाथ लामिछाने,जिल्ला आयुर्वेद स्वास्थ्य केन्द्र तनहुँका निरिक्षक बैद्य भोजहरी रानाभाट, शिक्षक शिक्षिका,विद्यालय व्यवस्थापन समितिका अध्यक्ष लगाएतको सहभागी रहेको थियोे । नागरिक आरोग्य सेवा केन्द्र देवघाटमा बैद्य सुकुमाया गुरूङले कार्यक्रममा स्वागत मन्तव्य दिएका थिए ।
