देवघाट, असार ३
नेकपा एमाले देवघाट गाउँ कमिटिको सचिव पदमा सान श्रेष्ठ बिजयी भएको छ ।
सोमबार देवघाट-५ स्थित रहेको कालिका सामुदायिक भवनमा भएको निर्वाचनमा श्रेष्ठ बिजयी भएको हो । श्रेष्ठले जम्मा मत संख्या १९८ खसेकोमा १५९ मत ल्याएर बिजयी भएका हुन । अर्का उम्मेदवार विकास ढकालले ३४ मत प्राप्त गरेका छ । ५ मत बदर भएको निर्वाचन आयोगद्वारा जानकारी प्राप्त भएको छ ।
गत जेठ २९ गते भएको गाउँ कमिटिको दोश्रो अधिवेशनबाट सचिव बाहेकका अन्य पदहरुमा सर्वसम्मती भएको थियो । सचिवमा गणेश थापा, शान श्रेष्ठ र विकास ढकालले उम्मेदबारी दिएका थिए । केहिदिन पश्चात् थापाले उम्मेदवारी फिर्ता लिएका थिए ।
सो अधिवेशनको दिन सचिव पदमा सर्वसम्मती नभएपछि छलफलको लागि समय थप गरिएको थियो । हिजो आइतबार साँझसम्म पनि सचिवमा सर्वसम्मती नभएपछि सोमबार विहान आज १० बजेबाट कालिका सामुदायिक वनको कार्यालयमा निर्वाचन भएको हो ।
अधिवेशनबाट देवघाट गाउँ कमिटिको अध्यक्षमा भिम गुरुङ, उपाध्यक्षमा भोजराज नैनावस्ती, खुल्ला उपसचिवमा हर्कबहादुर थापा र महिला उपसचिवमा सावित्री न्यौपाने सर्वसम्मत भएका छन् ।
