देवघाट,
तनहुँको देवघाट गाउँपालिका वडा नम्बर ५ खेलकुद समितिको आयोजनामा आयोजित महिला तथा पुरुष छनोट भलिबल प्रतियोगिता नयाँबस्ती स्थित हाटबजारको प्राङ्गणमामा आज बाट सुरु भएको छ।
कार्यक्रमको प्रमुख अतिथि देवघाट गाउँपालिका उपाध्यक्ष भुवन सिं गुरुङले खेलाडीहरुलाई भलिबल हस्तान्तरण गरि कार्यक्रमको समुद् घाटन गरेका थिए। प्रतियोगितामा ५ वडा भित्रका पुरुष तर्फ १० टिम र महिला तर्फ ४ टिमको सहभागिता रहेको छ भने उक्त छनोट प्रतियोगिताबाट वडा नम्बर ५ भित्रका उत्कृष्ट खेलाडी छनौट गरि वडा स्तरीय प्रतियोगितामा खेल्न पाउनेछ । प्रतियोगितामा पुरुषतर्फ क्रमशः प्रथम,द्वितीय हुने टिमलाई नगद ५ हजार र ३ हजार सहित सिल्ड, मेडल र प्रमाणपत्र प्रदान गरिनेछ,भने महिलातर्फ क्रमशः प्रथम,द्वितीय हुने टिमलाई नगद ३ हजार र २ हजार सहित सिल्ड, मेडल र प्रमाणपत्र प्रदान गरिनेछ।
प्रतियोगिता विहिबार आज पुरुषतर्फको ४ खेलमा साढेबगर `ए´ले साढेवगर `बी´ लाई हराउँदै क्वाटरफाईनलमा पुगेको छ । रातामाटे सुन्दरबस्ती र देवपुर टोलबिकासको विचको अर्काे खेलमा रातामाटे सुन्दरबस्तीले देवपुरलाई हराउदै क्वाटरफाईनलमा पुगेको छ भने अर्को खेलमा देवपुर टोलबिकास `बि´ ले कालिमाटी हराउँदै क्वाटरफाईनलमा प्रवेश गरेको छ।तेस्तै जलदेवी टोलबिकास साउनेले नयाँबस्तीलाई हराउदै क्वाटरफाईनलमा पुगेको छ ।
प्रतियोगितामा महिलातर्फको पहिलो राउन्डको खेल संगै पुरुषतर्फको क्वाटरफाइनल,सेमीफाइनल र फाईनल खेल शुक्रबार भोलि हुने छ। सो कार्यक्रममा बिशिस्ट अतिथि देवघाट गाउँपालिका प्रवक्ता एवं ५ वडा अध्यक्ष पुर्णबहादुर कुँवर,देवघाट ५ वडा सदस्य बुद्धिबहादुर पाण्डे,५ वडाका पुर्व अध्यक्ष यालबहादुर गुरुङ,देवघाट युवा तथा खेलकुद समितीका अध्यक्ष अमर फेवालीमगर,राप्रपा देवघाट अध्यक्ष दिवाकर मिश्र,देवघाट सामुदायिक सेवा केन्द्र एवं प्रहरी सेवा केन्द्रका अध्यक्ष होमबहादुर भाराती,देवघाट गाउँपालिका कार्यक्रम अधिकृत कृष्णराज पन्त,कालिका सामुदायिक वनका अध्यक्ष कृष्णराज न्यौपाने,रातामाटे सुन्दर बस्ती टोलबिकास समितीका अध्यक्ष डा:सुरेन्द्र प्रसाद श्रेष्ठ,देवघाट युवा तथा खेलकुद समितिका पुर्व अध्यक्ष सुकु गुरुङ,देवघाटधाम जेसिजका अध्यक्ष रघु मल्ल,नेपाल मगर संघ देवघाट उपाध्यक्ष अमृता थापामगर लगायत अन्य महानुभावहरुको उपस्थिति रहेको थियो भने ५ वडा खेलकुद समितिका अध्यक्ष खेमबहादुर रानामगरको अध्यक्षता रहेको थियो।
